Þ.e. sala í gegnum síma en ekki sala á símum. í dag var hringt í okkur tvisvar frá Orkunni. Einu sinni í mig og einu sinni í konuna mína til að selja okkur Orkulykla. í fyrra skiptið sögðum við: „Nei, þakka þér fyrir.“ í seinna skiptið skelltum við á. Nú veit ég að við erum ekki rauðmerkt í símaskránni (enda flestir hættir að nota hana) en ég verð að viðurkenna að ég hef aldrei nokkurn tíman keypt nokkuð skapaðan hlut í gegnum símsölu. Einu sinni vann ég meira að segja við símsölu fyrir tryggingafyrirtækið Scandia í u.þ.b. þrjá daga. Fyrir utan hvað þetta er mannskemmandi starf þá var salan ákaflega lítil m.v. hringd símtöl. í raun finnst mér að það ætti að banna símsölu með lögum. Ef mig vantar Orkulykil fer ég bara á heimasíðu Orkunnar og panta einn slíkan, eða jafnvel hringi í þá. Ef mig vantar tryggingar hef ég samband við tryggingafyrirtæki. Er ekki nóg að auglýsa í fjölmiðlum og á netinu? í raun má flokka svona símsölu með netruslpósti (er hann ekki örugglega bannaður)? Ég held að ef fyrirtæki sem ég hef viðskipti við, s.s. Síminn, TM eða Atlantsolía mundi hringja í mig til að reyna að selja mér eitthvað meira en það sem ég nú þegar kaupi af þeim, mundi ég færa viðskipti mín eitthvert annað.
Símasala er tæpast ólögleg þar sem þjóðskrá hagnast á að selja fyrirtækjum upplýsingar um þig, t.d. símanúmerið þitt. Það er eitt af skilgreindum hlutverkum hennar. Þess vegna þarftu að sækja um bannmerkingu í þjóðskrá.
Á móti er einmitt gagnslaust að merkja sig í símaskránni þar sem fyrirtæki mega ekki sækja persónuupplýsingar annað en til þjóðskrár.
Arngrímur, dettur þér í hug að fyrirtæki fari eftir því hvað þau mega og hvað ekki, í sambandi við svona dót? Er símanúmerið okkar virkilega skráð í þjóðskrána? mér finnst það afskaplega undarlegt. Hlýtur þá að vera samtengt við símaskrána, þar sem símanúmer eru hlutur sem getur tekið frekar ört breytingum.
Ég er bæði rauðmerkt í símaskrá (það kemur líka fram á jápunkturis) og í þjóðskrá, enda fæ ég mjög sjaldan svona símtöl. Kemur þó fyrir, aðallega frá bankanum að reyna að troða meiri „þjónustu“ upp á mann. Ég hvessi mig iðulega við grey fólkið og fæ oftast afsökunarbeiðni og loforð um að ég verði tekin út af lista fyrirtækisins sem það vinnur fyrir.
Auðvitað dettur mér ekki í hug að fyrirtæki fylgi þessu. Ég er að segja að símaskráin bítti ekki diff. Þjóðskrá hefur það hlutverk skv. lögum að selja þessar upplýsingar og það var það sem ég vildi segja.
Já, og símanúmer eru vissulega skráð í þjóðskrá. Þarf ekki að koma á óvart. Þjóðskrá heldur upplýsingar yfir brottflutta og látna líka.
Er þjóðskrá þá beintengd við Símaskrá?