60 kynslóðin er eiginhagsmunapakk sem kunni ekki að ala upp börnin sín. Nú er hún að fá það í hausinn að nánast öll vandamál heimsins í dag séu þeim að kenna. Þetta lið sem var á táningsárum eða ungt fólk 1960 – ’70, hipparnir, flower power og allt það. Núna á að kenna því um allt sem miður hefur farið í heiminum síðan þá.
Agaleysi nútímans, andúð á reglum, upplausn og röskun félagslegra gilda. Þetta segir Tony Blair a.m.k.
Maður vissi þetta svo sem. Ég hef lengi haft horn í síðu þessarar kynslóðar. Sem ólst upp við betri kjör en áður höfðu þekkst. Menntaði sig og fjárfesti í þvílíkri óðaverðbólgu að skuldirnar gufuðu upp (enda engin vísitölubinding í þá daga). Komst svo til valda og gaf sjálfri sér kvótann. Þetta er kynslóðin sem hefur hirt ávinninginn af striti forfeðra sinna, fólksins sem vann fyrir nútímanum á Íslandi við bág kjör, og sendir svo börnunum sínum (80 kynslóðinni) reikninginn í formi vísitölubindinga, verðtryggða okurvaxta o.s.frv. Svo ætlar hún meira að segja að hafa af okkur arfinn með eignalífeyri sem mun gera bankana að eigendum Íslands!
En, kannski er þetta bara bull í Blair, sem er nú sjálfur af þessari kynslóð, og svarthöfðaraus í mér. BBíB.