Þá er hafin ný sókn að velferðarkerfinu. Nú er það atvinnuleysistryggingasjóður og verkalýðsfélögin sem á að grafa undan! Um hvað er maðurinn eiginlega að tala? Jú, nýjustu fréttir af launatryggingu Landsbankans. Þetta hentar þeim sem hafa tekjur yfir 350 þúsund og á að tryggja þeim a.m.k. 70% laun ef þeir missa tekjustofn sinn. Auðvitað verða þeir að borga iðgjöld. En er það bara ekki allt í lagi? Kynni einhver að spyrja.
Ég tel að svo sé ekki. Með þessu er verið að stíga enn eitt skrefið í þá átt að afnema velferðarkerfið og koma því yfir í hendur banka og tryggingarfélaga (sem eru orðinn einn og sami hluturinn upp á síðkastið). Lán innan velferðarkerfisins, s.s. íbúðalán, námslán o.s.frv., á að færa til bankanna og tryggingarnar eiga svo að borga heilbrigðis- og atvinnuleysisbætur. Það munu þá ekki allir hafa efni á því að verða veikir eða atvinnulausir!
Hvenær verður menntakerfið sett í þetta kerfi? KAUPTU MENNTATRYGGINGU FYRIR BÖRNIN! EKKI ER Ríí NEMA í TíMA SÉ TEKIí, KAUPTU í DAG OG EIGNASTU BARN EFTIR TíU íR!* Hverjir verða það þá sem láta mennta börnin sín?
Þetta kann sumum að þykja ýkt viðbrögð við einfaldri auglýsingu um launatryggingu. Ég kalla það að hugsa aðeins málið og horfa fram í tímann. Fyrir utan að hugmyndafræðin á bak við tryggingar er sick! Og af hverju hækka iðngjöldin ef maður þarf að nota trygginguna? Fyrir hvað er maður þá að borga þessi iðngjöld? Hér er á ferðinni ein versta tegund græðgi sem ég hef kynnst og ég hef skömm á henni. Fyrirtæki sem græða á slysum, hörmungum og ránum (þ.e. óttanum við þessa hluti). OJJJJ.
*Iðngjald miðast við normalbarn og hækkar um 100% sé um sérstaka námsörðugleika að ræða.