Jibbý, skibbý. Fyrsta helgarfríið komið. Gaman af svona helgarfríi eftir sumarfríið. Búinn að vinna núna í heila viku og fór létt með það. Skólasetning í dag og gaman. Ég verð að finna mér eitthvað að gera um helgina. Fara í Sandvíkina, langa göngu, sund á einhvern fáránlegan stað (Sveinsstaðarskóla?) e.þ.h. Las hjá Pullu áðan að það hefði verið mynd af Framsóknarmönnum að skála yfir brotthvarfi Sivjar í Mogganum í dag. Þar er þeim rétt lýst greyjunum, sukka meðan skútan sekkur. Reyndar hef ég aldrei haft neitt álit á Siv frekar en öðrum Framsóknarmönnum (hún virðist ekkert verri en hinir þar), mér finnst bara eitthvað svo augljóst að það séu pólitísk mistök að láta hana taka pokann sinn frekar en t.d. írna Magg eða Jón gamla. Sterkast hefði mér fundist að láta þá báða fara og taka Jónínu inn. Það hefði jafnvel getað aukið fylgi flokksins þannig að það er líklega bara eins gott að Dóra datt það ekki í hug.
í leiðara Fréttablaðsins í dag er mærð sú hugmynd að leggja megináherslu á að fjalla um það sem skynsamir menn og vel upplýstir teldu viðeigandi. Með þessu fellur Fréttablaðið niður á Morgunblaðsplan í leiðaraskrifum. Síðast þegar ég vissi hétu svona hugmyndir nú bara ritskoðun.
Núna ætla ég að reyna að finna ókeypis skákforrit á netinu fyrir Kára því hann er búinn að hafa svo mikinn áhuga á skák núna í sumar. Kannski ég reyni að finna handa honum ódýra notaða skáktölvu?