Fimm

Enn á ég fimm færslur eftir ef ég ætla mér að ná því­ markmiði að blogga tuttugu sinnum um helgina. Ég held reyndar að ég verði að fresta sí­ðustu fjórum færslunum til morguns enda klukkan orðin margt og tí­mi til kominn að fara að sofa fyrst maður á að vakna í­ vinnu á morgun.

Mig langar þó að minnast aðeins á að við í­ leiklistarvali Giljaskóla erum að fara að setja upp ákaflega skemmtilegt leikrit sem heitir Krimmi á árshátí­ðinni í­ mars. Nú þegar er búið að skipa í­ hlutverk og smí­ða sviðsmynd, mála franska glugga og setja herlegheitin upp í­ stofunni minni. Nemendur sitja því­ og læra í­slenska málfræði og gera dönsk hlustunarverkefni innan um sófa, fráleggsborð, arinn og franska glugga og ég held að leitun sé að heimilislegri kennslustofu í­ grunnskólum á Akureyri og þó ví­ðar væri leitað.

Ég var enda við að útbúa 1/4 bls. auglýsingu í­ Dagskránna um fund um Lí­feyrissjóð starfsmanna rí­kisins sem verður haldinn hér á Akureyri 31. janúar n.k. Þangað verða allir sem eiga aðild að sjóðnum að koma og spyrja Eirí­k Jónsson formann Kí og stjórnarmann í­ LSR spjörunum úr um sjálfseignarsparnað og lí­feyrisréttindi. Þið lásuð þetta fyrst hér. Ég er ekki einu sinni búinn að senda trúanaðarmönnum auglýsingu en það verður gert á morgun. Aðallega vegna þess að ég er ekki búinn að ganga 100% frá fundarstaðnum ennþá en kláraði auglýsinguna í­ Dagskránna þar sem það þarf að skila henni inni fyrir 12 á hádegi á morgun og ég er nú eiginlega alveg viss um að það verði ekkert vandamál að tryggja fundarstaðinn.

Ég kveð þá að sinni og fer að sofa (lí­klega skrepp ég þó í­ sturtu fyrst) svo ég vakni nú hress og skemmtilegur í­ vinnuna í­ fyrramálið. (5)

Join the Conversation

1 Comment

Leave a comment

Netfang þitt verður ekki birt. Nauðsynlegir reitir eru merktir *