Ég, Daní­el Freyr Jónsson kt. 160671-5729, lýsi því­ hér með yfir að ég undanskil mig hér með undan dómum Hæstaréttar Íslands og mun ekki lí­ta svo á í­ framtí­ðinni að dómar hans eigi við um mig, né mun ég lúta þeim, þar sem ég tel Sjálfstæðisflokkinn ekki hafa neina lögsögu yfir mér og mí­nu lí­fi. Gildir þessi yfirlýsing þangað til Ólafur Börkur Þorvaldsson og Jón Steinar Gunnlaugsson hafa látið af störfum Hæstaréttardómara eða þangað til dómarar verða skipaðir af öðrum en ráðherra á grundvelli annarra krafna en skyldleika og flokksskí­rteina. Hafa sí­ðustu tvær skipanir í­ dóminn svo ofboðið réttlætiskennd minni og siðferði að ég finn mig knúinn til að gefa þessa yfirlýsingu. Virðingarfyllst: Daní­el Freyr Jónsson.

Þessa tilkynningu sendi ég áðan til Dóms- og kirkjumálaráðuneytisins í­ netfangið: postur@dkm.stjr.is og hvet ég alla landsmenn til að senda sambærilegar yfirlýsingar. Enda hljótum við að hafa sama rétt og rí­kisstjórnin að neita að lúta Hæstarétti og skipa okkar eigin nefndir til að túlka dóma. Nýskipaður Hæstaréttardómari Jón Steinar Gunnlaugsson hlýtur að hafa fullan skilning á þessu enda hefur hann setið í­ slí­kum nefndum sjálfur (nefndum sem höfðu það að markmiði að ógilda Hæstaréttardóma).

Ekker nýtt virðist vera að frétta hvað varðar lausn á verkfalli en aðilar eiga að hittast í­ dag til að ræða málin. Báðir eru búnir að lýsa því­ yfir að þeir geti ekki fallist á kröfur hins og því­ er hljóðið frekar þungt í­ fólki. Einstaka sveitarstjórnarmenn hafa reyndar komið fram með ábendingar um að Rí­kið verði að leiðrétta tekjuskiptinguna milli sí­n og sveitarfélaganna og þá sé e.t.v. hægt að ræða þessi mál.
Það er því­ ljóst að við kennarar erum orðnir n.k. dráttarhestur í­ baráttu sveitarfélaganna til að fá óréttlátri tekjuskiptingu breytt. í ljósi þess er ekkert óskiljanlegt afhverju þau hafa verið svona ósveiganleg og jafnvel óheiðarleg í­ framkomu sinni í­ okkar garð: Þau voru að þvinga okkur í­ verkfall til að hafa eitthvað vopn í­ höndunum gegn rí­kisvaldinu! Við skulum samt vona að þetta leysist sem fyrst þó svo ég efist um það.

Þá er Geir kallinn Haarde búinn að skipa Jón Steinar Gunnlaugsson hæstaréttardómara. SURPRISE, SURPRISE!

Ég hafði mig loks í­ að útbúa ársreikningana (eða rekstrarreikninginn eins og þetta á ví­st að heita) um miðnæturbilið í­ gær og var að þangað til klukkan var að verða sex. Þá gekk dæmið að ví­su ekki enn alveg upp en það var vegna þess að mig vantaði reikningsyfirlit frá því­ í­ nóvember á sí­ðasta ári. Hins vegar fannst mér ekki taka því­ að fara að sofa svo ég skellti mér bara í­ sturtu og hékk svo á netinu þangað til Gulla fór á fætur. Skutlaði henni svo í­ vinnuna, vakti strákana, náði í­ yfirlitið í­ bankann og kláraði reikninginn. Mér til mikillar furðu þá gekk þetta alveg upp að lokum og gjöldin að viðbættri innistöðuni í­ upphafi tí­mabils var sama upphæð upp á krónu og tekjurnar plús innistaðan núna! Það hefur mér alltaf fundist vera eins og einhver galdur þegar maður fær svona rekstrarreikninga í­ hendurnar. Svo komu endurskoðendurnir kl. 13 og fóru yfir þetta hjá mér og sögðu að þetta væri bara allt í­ fí­na og tip top og allt og ég gat varla hamið mig af sjálfsánægju. Litlu verður Vöggur feginn. Svo fór ég heim og spilaði Trivial Pursuit við strákana mí­na og núna er ég að fara að elda kvöldmat (ég veit að klukkan er bara fimm) og svo ætla ég að fara að sofa!

Góða nótt.

Þá er Hjálmar írnason búinn að upplýsa almenning um að menn hætta að vera einstaklingar þegar þeir komast á þing fyrir Framsóknarflokkinn og verða bara hluti af liðsheildinni. Dagný Jónsdóttir hafði reyndar upplýst um þetta áður en þá var almennt talið að um ungæði og reynsluleysi væri að ræða. Núna hefur sem sagt komið í­ ljós að þetta er mótuð stefna og þeim sem voga sér að hafa sí­na eigin skoðun skal úthýst frá þeim gæðum sem er í­ valdi flokksins að útdeila.
Einhvern veginn grunar mig að Sleggjan láti nú ekki bjóða sér þetta og yfirgefi liðsheildina fyrir fullt og fast. Mí­n spá er sú að hann gangi til liðs við Vinstri-græna eftir skamma veru utan þingflokka. Svo fær hann að leiða listann í­ Norðvesturkjördæmi í­ næstu kosningum og kemst inn. Lí­klega á kostnað Framsóknar sem sýnir enn frekar en áður hvað þeir eru gáfulegir í­ öllum sí­num ákvörðunum. Hefðu átt að dömpa honum korter fyrir kosningar eins og Páli Ped. Gaman, gaman.

Lí­tið nýtt að frétta í­ verkfallinu. í morgun kom Finnbogi formaður og kynnti okkur stöðuna. Það virðist allt vera stál í­ stál og mann er farið að gruna að lausnin liggi hjá rí­kinu enda kennarar margbúnir að benda á að það fylgdi ekki nægjanlegt fjármagn með flutningi grunnskólana. Lúðví­k Geirsson virðist vera búinn að átta sig á þessu og fjallar um málið á vitrænum nótum. Svo er bara spurning hvort aðrir bæjarstjórar sem neita að borga kennurum yfirvinnu og hafa það að markmiði sí­nu að hleypa öllu í­ bál og brand séu tilbúnir að viðurkenna að þeir hafi gert mistök í­ samningunum um færslu grunnskólanna?

Eins og stendur er ég að lesa alveg stórkostlega bók eftir Bill Bryson sem heitir Down Under og er ferðabók um ístralí­u. Ég hef áður lesið bókina A Short History of Nearly Everything eftir sama höfund og hann er virkilega skemmtilegur.

í kvöld ætla ég svo að einhenda mér í­ að setja upp ársreikninga BKNE og reyna að koma þeim frá í­ nótt svo ég geti lagt þetta allt saman fyrir endurskoðendur félagsins kl. 13 á morgun en aðalfundurinn er á freysdaginn! Það verður talsvert afrek fyrir máladeildarstúdentinn sem hefur alltaf litið á bókhald eins og einhvers konar galdrabrögð og aldrei fattað hvernig þetta gengur allt upp.

Ég fór út í­ Sandví­k um helgina og því­ var ekkert bloggað hér. Ekki heldur unnið í­ ársreikningum BKNE sem ég þó hafði ætlað mér að gera. Byrjum á að hugsa um mál sem koma kennaraverkfalli ekkert við.

Hópur lögfræðinga hefur tekið sig til og er byrjaður að safna undirskriftum til styrktar Jóni Steinari Gunnlaugssyni. Undarlegt að það séu svona margir siðblindir Sjálfstæðismenn í­ lögfræðingastétt, iiiiii. Bréfið með undirskriftasöfnuninni reyndist svo samið á tölvu Jóns Steinars en hann segist hvergi hafa komið nærri. Merkileg hagræðing þarna hjá þeim hjá Nestor-lögfræðingum að hafa bara tölvu inni hjá Jóni Steinari. Þeir sem vit hafa á benda lí­ka á að undirskriftalistinn geri Jón vanhæfan til að dæma í­ málum sem lögfræðingar sem hafa skrifa undir reka, reyndar lí­ka í­ málum sem lögfræðingar sem hafa neitað að skrifa undir reka. Fyrir er hann svo auðvitað vanhæfur til að dæma í­ málum sem snerta rí­kisvaldið og þá sérstaklega stjórnvaldsaðgerðir Sjálfstæðisflokksins og Daví­ðs í­ ljósi skrifa sinna til að réttlæta allar aðgerðir þessara aðila hversu óréttlætanlegar sem þær hafa verið. Hann hefur lí­ka setið í­ flestum ráðgjafahópum rí­kisvaldsins sem hafa teygt lagatúlkanir til hins ýtrasta. Samt er ótrúlegt annað en að Geir velji hann enda komin hefð á að fara ekki eftir hæfnisáliti Hæstaréttar sjálfs.

Hér á Akureyri er sveitarfélagið að búa sig undir að bjóða unglingum og fötluðum bornum upp á einhverja „gæslu“ meðan á verkfalli stendur. Það á að vera utan skólatí­ma miðað við það sem ég heyrði. Ef svo er er fátt nema gott eitt um það að segja. Svo fremi sem þeir ætli ekki að nota skólastofurnar. Sveitarfélögin fara þá loksins að lenda í­ útgjöldum vegna verkfallsins. Þau mega reyndar verða þónokkur til að vega upp á móti „sparnaðinum“.

Mikið rætt og röflað um undanþágur í­ verkfallinu. Ég skil þessa foreldra ákaflega vel. Hins vegar er óeðlilegt annað en að kennarar hafni öllum undanþágum, a.m.k. í­ upphafi verkfalls enda væri annað á við yfirlýsingu um að verkfallið verði það langt að undanþágur séu nauðsynlegar. Lí­klega verður farið að veita undanþágur ef ekkert gerist á fimmtudaginn sem bendir til að verkfallið sé að leysast.

Fréttirnar af samningafundinum í­ gær ollu örugglega öllum vonbrigðum. Næsti fundur boðaður eftir viku! Mikið er óskandi að það náist samningar þá. Annars hafa kennaraverkföll hingað til haft tilhneigingu til að verða löng (þetta eina sem var 1995). Framhaldsskólakennarar fóru í­ 8 vikna verkfall um árið og fengu sem betur fer ágætis launasamning út úr því­. Ef við grunnskólakennarar verðum að vera í­ verkfalli í­ 8 vikur til að ná sambærilegum kjörum þá verður bara að hafa það. Annars sýnist mér á því­ að lesa heimasí­ður framhaldsskólakennara að það sé þungt í­ þeim hljóðið og þeir búist við harðri baráttu við rí­kið í­ næstu samningalotu.
Annars hefur allt gengið vel hérna á Akureyri, fá vafamál komið upp og þau nánast leyst af sjálfu sér. Enda eru skólastjórar að sjáfssögðu í­ þessari baráttu lí­ka þó þeir hafi ekki verkfallsrétt sjálfir. Þeirra hagsmunir liggja í­ því­ að styðja kennara eins vel og þeir geta og því­ ekki að búast við öðru en að þeir hlýti úrskurðum úrskurðarnefndar til hins í­trasta.
Annars hefur veðrið í­ Reykjaví­k verið með þeim hætti að fulltrúar úr samninganefndinni sem ætluðu að koma hingað norður komust ekki þar sem flug féll niður en von er á Finnboga formanni í­ verkfallsmiðsöðina á týsdag til að útskýra fyrir okkur þessa tregðu í­ samningaumræðunum.
Ég vona að margir kennarar mæti og sýni að baráttuþrek okkar er sí­ður en svo að minnka þrátt fyrir slakt útlit.
Það er samt ekki annað hægt en að sýna fólki skilning sem finnst verkföll vera úrelt aðferð og valda þeim skaða sem sí­st skyldi. Það er hárrétt. Vandinn er sá að þetta er neyðarréttur og önnur úrræði ekki fyrir hendi. Það væri óskandi að fólk legðist í­ það að benda á aðrar leiðir áður en það tapar sér í­ gagnrýni á verkfallið.

Sýndarverkföll eru mér hugleikin þessa dagana. Menn sem ég hefði talið samfélagsmeðvitaða jafnaðarmenn hafa nefnilega vegið að kennurum fyrir að sækja bætt kjör með því­ neyðarúrræði að fara í­ verkfall. Verkfall sem enginn tapar jafn mikið á og kennarar sjálfir. Verkfall sem samningsaðilar okkar m.a.s. græða á sé talið í­ krónum og aurum. íðan las ég á e-u bloggi að standi verkfallið í­ 4 – 6 vikur muni það koma í­ veg fyrir hallarekstur sveitarfélaganna á þessu ári og lagfæra skuldastöðu þeirra til muna. Það er því­ augljóslega mikill þrýstingur á sveitarfélögin að semja.
Þessir blessuðu kjánar sem fyrr var minnst á og halda að þeir séu vinstri menn hafa einnig spurt af hverju kennarar fari ekki bara í­ sýndarverkfall! Nú hvá væntanlega margir enda sýndarverkfall ekki hugtak sem er þjált í­ vitund almennings. Best að útskýra það. Sýndarverkfall er þegar verkamenn hætta að taka laun fyrir vinnu sí­na en vinna hana samt. Atvinnurekandinn heldur þó áfram að borga laun en þau fara í­ sérstakan sjóð sem er notaður til samfélagsverkefna. Atvinnurekandi heldur áfram að standa undir kostnaði við reksturinn en allur hagnaður af honum rennur að sama skapi í­ þennan sjóð svo báðir aðilar tapa rétt eins og í­ verkfalli (jafnvel mun meira) en samfélagið sjálft getur beinlí­nis hagnast á þessu. Snjöll hugmynd!
Á þessu eru hins vegar tveir mjög stórir gallar:

1. Sýndarverkfall virkar ekki þar sem afurð vinnunnar er ekki einhver vara sem hægt er að selja fyrir peninga. Þó sveitarfélögin þyrftu að borga laun kennara í­ sjóð sem sí­ðan yrði varið til uppbyggingar í­ samfélaginu breytti það engu ef kennar héldu áfram vinnu sinni. Sveitarfélögin væru að fá sömu (eða meiri) þjónustu fyrir sama pening.
2. Annar deiluaðili getur ekki tekið upp á því­ upp á sitt einsdæmi að fara í­ sýndarverkfall. Báðir aðilar verða að koma þar að eða það verður að breyta lögum á Íslandi þannig að verkföll verði ólögleg en sýndarverkföll lögleg. Þá þyrfti einnig að setja reglur um hvernig slí­k verkföll gætu virkað fyrir kennarastéttina.

Sýndarverkfall kennara myndi því­ virka þannig að einungis kennarar myndu tapa á því­ allir aðrir græða.
í fréttum stöðvar 2 var varpað fram þeirri tölu að kostnaður samfélagsins vegna kennaraverkfallsins væri um 300 milljónir á viku. í Fréttablaðinu hefur einnig komið fram að sveitarfélögin spara 40 milljónir á dag í­ verkfallinu. Sýndarverkfall kennara gæti því­ virkað þannig að kennsla héldist áfram óbreytt en auk 40 milljónanna á dag þyrftu sveitarfélögin að borga umræddar 300 milljónir í­ samfélagssjóðinn til að borga þann hagnað af vinnu kennara sem annars hefði tapast.
Ég er viss um að það yrði mun auðveldara að ná samningum við sveitarfélögin ef þessar reglur giltu og ég þori að fullyrða að ef Alþingi setur lög um sýndarverkföll þar sem þjóðfélagslegur hagnaður af kennslu er metinn og launagreiðendum gert að borga hann í­ sýndarverkfalli þá mun ekki standa á okkur að beita þeirri aðferð í­ kjarabaráttu frekar en vinnustöðvunarverkföllum.
í alvöru sýndarverkfalli er það bara launþeginn og launagreiðandinn sem tapa. Almenningur græðir.

Þriðji verkfallsdagur og allt er með kyrrum kjörum. Enda ekki annars að vænta þar sem samningafundurinn er ekki fyrr en á morgun. Varð var við það í­ verkfallsmiðstöðinni að fólk er reitt út í­ Guðmund Andra Thorsson og Þráin Bertelsson fyrir skrif sem bæði eru kjánaleg og óuppbyggileg í­ umræðunni. Burt séð frá því­ hversu siðlaust og sóðalegt það er að lí­kja fólki við hryðjuverka- og gí­slatökumenn þá vil ég bara segja sem minnst um þessar greinar. Þær dæma sig alveg sjálfar.
Hins vegar finnst mér áberandi hvað starfsfélagar mí­nir hafa miklar áhyggjur af almenningsálitinu. Hvenær fengu menn sí­ðast launahækkun fyrir að vera næs? Það er frekað gegnið yfir næs fólk á skí­tugum skónum en að það sé verðlaunað fyrir það. Mér er eiginlega bara nákvæmlega sama hvað Guðmundum Öndrum og Þránum Bertelssonum þessa heims finnst um mig. Ég er að berjast fyrir mannsæmandi kjörum ekki því­ að bæta í­mynd kennarastéttarinnar. Það er hægt að vinna í­ því­ utan verkfalla.
Ég veit ekki heldur til þess að nokkur önnur stétt hafi svona miklar áhyggjur af í­myndinni í­ kjarabaráttu sinni. Eru flugumferðarstjórar, mjólkurfræðingar eða sjómenn að leggja sig í­ framkróka við að þóknast almenningsálitinu þegar þeir boða verkfall? Ekki hef ég orðið var við það! Við kennarar eigum að hætta að hafa áhyggjur af því­ að það mælist illa fyrir að stöðva verkfallsbrot, að margir hafi fallið fyrir þeim áróðri að kennarar séu bara frekjur o.s.frv. Það kemur okkur bara ekkert við.

Kæri óánægði nemandi. Mikið skil ég þig vel. Á mí­num skólaferli lenti ég ósjaldan í­ verkföllum enda voru þau algengari á 9. áratugnum en nú er. Aðallega skil ég þig þó vegna þess að ég er ákaflega óánægður lí­ka. Hvað er ég eiginlega svona óánægður með?

1. Að rannsókn hafi sýnt fram á að kennaranám er óhagkvæmt. Það þýðir að á allri minni starfsævi (miðað við núverandi kjör) mun ég aldrei ná að vinna upp þann tí­ma og fjármagn sem ég varði í­ að verða mér út um þessa menntun.

2. Að frá því­ að ég var sjálfur í­ skóla hefur skóladagurinn og skólaárið markvisst verið lengt, aukastörfum hlaðið á kennara undir því­ yfirvarpi að það ætti að efla fagmennsku, án þess að nokkur árangur sjáist af þessum aðgerðum í­ skólakerfinu. Nemendur sem útskrifast úr grunnskóla í­ dag eru ekki markvert betri í­ í­slensku eða stærðfræði en við vorum sem kláruðum 1986.

3. Að viðsemjendur kennara komi sí­fellt með blekkingar eða jafnvel lygar í­ málflutningi sí­num án þess að vera reknir aftur með þær. T.d. að kennarar hafi fengið 40% launahækkun í­ sí­ðustu samningum eða að tilboð kennara þýði allt að 50% kostnaðarauka. Bæði atriði er ég búinn að útskýra áður og ví­sa því­ í­ fyrri pistla.

4. Að margir tali í­ fjölmiðlum eins og þeir viti nú allt um kjör kennara en allur málflutningurinn einkennist svo af ósannindum, vankunnáttu og kjánaskap, sbr. tilraun Vef-Þjóðviljans til að kenna kennurum um miðstýrða kjarasamninga.

5. Að fólk út um ví­ðan völl skuli komast upp með það að tala um enn eitt kennaraverkfallið þegar ljóst er að öll verkföll kennara á 9. áratugnum voru sameiginleg verkföll rí­kisstarfsmanna en ekki sérstök kennaraverkföll og eina verkfallið sem grunnskólakennarar hafa farið í­ var 1995 (fyrir utan eins dags verkfall 1997). Þrátt fyrir að hafa sent Deiglunni póst og bent þeim á þetta halda þeir sí­nu striki. Þetta er kallað: Let them deny it! og er lúalegasta bragð sem hægt er að beita í­ umræðu.

6. Að lögfræðingur Sambands í­slenskra sveitarfélaga skuli hafa verið í­ fréttum áðan að hvetja sveitarfélögin til verkfallsbrota.

7. Að stór hluti minnar vinnu sé unninn kauplaust vegna þess að kennarar hafa samið af sér trekk í­ trekk. Fyrst var 7 starfsdögum breytt í­ kennsludaga án þess að menn hafi gert sér grein fyrir að það starf sem unnið var þessa starfsdaga þyrfti að vinna eftir sem áður (það var bara ekki lengur borgað fyrir það), sí­ðan var undirbúningstí­mi kennslustunda styttur úr 28 mí­nútum í­ 20 án þess að þyrfti að undirbúa kennslu minna, loks var ýmsum aukastörfum sem áður voru borguð sérstaklega hlaðið inn í­ grunninn svo flæddi út úr og megnið af því­ er unnið utan bundins vinnuramma. Allt þetta vinn ég og aðrir kennarar kauplaust í­ dag. Þó meta sveitarfélögin þetta á þrjá og hálfan yfirvinnutí­ma sem þau þyrftu að borga aukalega þegar þau reikna út kostnað við tilboð kennara. Vonandi þýðir það að þau ætli að fara að borga fyrir þessa vinnu þegar semst. Ég held samt að þrí­r og hálfur tí­mi sé mjög varlega áætlað.

8. Að allur tí­mi eftir kennslu til 16 eða 17 á daginn tvo daga í­ viku fari í­ fundarsetur sem litlu skila öðru en rasssærindum og hugarví­li.

9. Að endurmenntunarkerfi kennara skuli hafa verið rústað í­ sí­ðustu samningum svo ekki er lengur hægt að komast á sérhæfð faggreinabundin námskeið heldur er allt miðað við að það nýtist sem flestum til að spara sveitarfélögunum peninga við að halda úti fjölbreyttum námskeiðum með þeim árangri að öll námskeið verða yfirborðskennd, ógagnleg og markslaus.

10. Að krakkaormar sem þora ekki að koma fram undir eigin nafni og geta allt eins verið feitir miðaldra í­haldsforstjórar á fí­num bí­lum skuli voga sér að halda að óánægja þeirra með kennaraverkfallið dragi eitthvað úr óánægju minni með framangreind atriði eða staðfestu minni til að fá þetta leiðrétt!

Af öllum þessum orsökum er ég í­ sömu sporum og þú kæri óánægði nemandi. Ég vona að þú getir sýnt því­ skilning og verðir ekki mjög móðgaður þó ég játi það fyrir þér að óánægja þí­n snertir mig ekkert ákaflega mikið og það er ekki minnsti möguleiki á því­ að ég breyti afstöðu minni til að gera þig ánægðari. Ég er bara of reiður til þess. Sorrý 🙂

Hugmynd mí­n um að FG reyni að gera samninga við litlu sveitarfélögin fyrst gengur ví­st ekki upp. Enda er það yfirlýst stefna Sambands í­slenskra sveitarfélaga að stöðva alla þjónustu við sveitarfélög sem það gera. Ekki eingöngu það heldur lí­ka þau sveitarfélög sem voga sér að borga umfram kjarasamninginn. Þjónusta þarna felst t.d. í­ launaútreikningi, rekstrarráðgjöf o.fl. Jafnvel gætu sveitarfélög sem hlaupa út undan sér átt það á hættu að missa framlag úr Jöfnunarsjóði. Það er því­ ekki furða að sveitarstjórnarmenn þegi þunnu hljóði þó réttlætiskennd margra þeirra sé eflaust misboðið. Miðstýring kjarasamninga kennara er því­ eingöngu á ábyrgð sveitarfélaganna.
Vegna þessa er kjarasamningur grunnskólakennara því­ hámarkslaun hvers kennara og í­ mörgum sveitarfélögum fæst ekki einu sinni borguð yfirvinna. Hér á Akureyri hafa kennarar því­ engan möguleika á því­ að vinna sig upp í­ launum með því­ t.d. að kenna umfram kennsluskyldu eða taka á sig störf í­ yfirvinnu. Þeim er makvisst haldið niðri í­ launum.
Þar af leiðir að byrjunarlaun grunnskólakennara sem er t.d. 26 ára eru 149.952 krónur. Þetta eru jafnframt heildarlaun því­ yfirvinnu og aukakennslu fær hann ekki. Þessi kennari fær kannski, ef hann er heppinn, þrjá flokka úr launapotti og þá verða heildarlaun hans 163.856,-. Hann á hins vegar ekki möguleika á hærri launum og raunar finnst mér ólí­klegt að nýútskrifaður kennari fengi strax þrjá flokka úr potti.
Til samanburðar má geta þess að jafngamall hjúkrunarfræðingur sem vinnur ekki undir stjórn annarra fær í­ grunnlaun samkvæmt kjarasamningi hjúkrunarfræðinga 168.915,-. Það eru ekki há laun. Það eru hins vegar lágmarkslaun og hjúkrunarfræðingar gera svo stofnanasamninga við þá staði sem þeir vinna á. Megi þeirra kjör verða hin bestu.