Hafi ég verið á barmi taugaáfalls fram að þessu, þá var það ekkert samanborið við stresskastið sem ég fékk áðan. Týndi bunka af prófum úr einum bekknum! Var farin að sjá fyrir mér skriftarstundina hjá skólameistara, smánina og brottrekstur úr starfi. Blessunarlega þá fannst hann eftir nákvæma leit. Ég held að ég fari að stinga upp á sjálfsala með róandi hérna á vinnustofunni. Segja svo að það sé ekki æsispennandi starf að vera kennari.