Hahaha… atvinnumótmælandinn og fundaskelmirinn Stefán gerir usla á ólíklegustu stöðum! Á ljós hefur komið að ég er liðtækur í að leggja undir mig sjúklingafélög.
Til er vefur, sem nefnist MS-spjallið. Til hans var stofnað af Vilborgu Traustadóttur, sem var formaður MS-félags Íslands til haustsins 2003 þegar hún var kolfelld á aðalfundi af núverandi forystusveit félagsins.
MS-spjallið var um tíma nokkuð virkur spjallvefur um MS-sjúkdóminn, þar til MS-félagið endurbætti sitt eigið spjallsvæði. Þar fara nú fram virkar umræður um allt sem tengist MS, en á gamla MS-spjallinu fara einkum fram umræður um veðurfar og gæludýr, auk þess sem Vilborg birtir u.þ.b. vikulega pistla um að vont fólk ráði ríkjum í MS-félaginu, að þar sé allt í uppnámi og að senn muni hún leiða byltingu unga fólksins.
Af einhverjum ástæðum, sem mér eru ekki kunnar, kjósa Vilborg og 4-5 félagar hennar á spjallborðinu að birta myndir af leikurum í Hringadróttinssögu með athugasemdum sínum. Það þykir líklega töff.
Nema hvað – í dag birti Gandálfur… afsakið „Glæsir“ – sem er væntanlega hluti af ungliðahjörð Vilborgar þessa færslu á MS-spjallinu:
Það er furðulegt að MS sjúklingar hafi kosið yfir sig þessa rugludallastjórn sem nú er.
Enda var landsfrægur mótmælandi, Stefán Pálsson, á aðalfundunum, hann er vanur að smala saman mótmæla-liði við Austurvöll og víðar.
Ég held að það hafi verið gert á aðalfundi MS félagsins. Kristján E. Einarsson fyrrv. varaform. var með síma frammi á gangi á Hótel Loftleiðum þegar hallarbyltingin var gerð og sagði í símann „okkur vantar fleiri á fundinn, okkur vantar fleiri!“
Þannig að MS-sjúklingar hafa lítið með þetta að gera nema fólkið sem er á dagvistuninni.
ílfadrottningin fagra… afsakið, Vilborg eða „Ippa“ svarar um hæl:
Já Kristján var varaformaður með mér en hóf alla stjórnarfundi einn inni hjá Gyðu (formanni á undan mér til 14 ára), þannig að þetta kemur mér ekki á óvart. Sama er að segja með aðkomu Stefáns Pálssonar sem er eiginmaður Steinunnar Þóru írnadóttur. Ég hef oft hugleitt hvort hann hafi beitt sér í smöluninni? Þarna voru svo ótalmargir óviðkomandi MS félaginu. Það er sorglegt að samtök sjúklinga séu ekki óhult fyrir „mótmælagengi“ sem er á móti öllu og öllum.
Undir þetta kvittar hún með einkunnarorðunum:
„And the one man that dares to tell the truth is called at once a lunatic and a fool.“ (Plato)
Það er ekki logið upp á okkur atvinnumótmælendurna! Þegar við erum ekki að fylla Austurvöll af kverúlöntum og leiðindagaurum sem eru á móti öllu og öllum, þá gerum við okkur að leik að smala inn á fundi í sjúklingafélögum og koma þeim í hendur kommúnista.
– Þess má til gamans geta að á umræddum fundi fékk sitjandi stjórn 82% atkvæða, en Föruneyti hringsins 18%… en hey! Hver á möguleika þegar andstæðingurinn er landsfrægur mótmælandi!