Ég var tippari vikunnar hjá Bjarna Fel á Rás tvö um hádegisbilið. Mér sýnist uppskeran hafa verið bærileg, 9 réttir.
Það eru mörg ár síðan ég keypti mér síðast getraunaseðil. Fyrsti getraunaseðillinn var hins vegar ógleymanlegur. Hann keypti ég hjá írna í írnabúð og hef varla verið eldri en tíu ára – eftir á að hyggja hefur karlinn örugglega ekki mátt selja barninu miða í fjárhættuspili…
Á þá daga voru getraunirnar ekki tölvuvæddar, heldur voru seðlarnir keyptir og síðan þurfti að koma þeim útfylltum til söluaðilans sem aftur skilaði þeim til íslenskrar getspár.
Ég hef sjaldan á ævinni verið jafnsannfærður um nokkurn hlut og að þessi seðill myndi tryggja mér tólf eða í það minnsta ellefu rétta – og fullar hendur fjár. Því lengur sem ég lá yfir seðlinum sannfærðist ég um að getraunir yrðu mér gullnáma og líf í vellystingum biði mín.
Ég fékk fjóra rétta og varð svo móðgaður að ég tippaði ekki í heilt ár.