Enn sem komið er virðist ætla að rætast bærilega úr íþróttahelginni. Stóri leikurinn er auðvitað FRAM:KR annað kvöld (síðdegis í dag). Hann sker úr um hvort maður gengur sáttur frá helginni.
Luton vann skítalið Port Vale 2:1 á heimavelli í dag. Stuðningsmennirnir eru ekki upprifnir, enda léku gestirnir manninum færri hálfan leikinn og við vorum bara með einn framherja – á heimavelli gegn botnliðinu! En sigur er sigur. Kannski náum við einhverju gegn Charlton í deildarbikarnum á þriðjudagskvöld, einkum ef Charlton álpast til að hvíla lykilmenn. Er samt ekki ýkja bjartsýnn.
Hearts tapaði gegn Inverness. Ætli óði Litháinn lendi ekki bráðum í fangelsi fyrir svind og svínarí og allt hrynji?
FRAM vann svo góðan útisigur gegn Akureyringum í handboltanum. Ég hafði litlar væntingar fyrir tímabilið, en það er mjög gott að vera með fullt hús eftir útileiki fyrir norðan og í Eyjum.
Þá er bara að naga neglurnar fyrir KR-leikinn. Auðvitað væri sigur æskilegastur – og þar með áhyggjulítill brúðkaupsdagur, en ég þægi þó jafntefli að því gefnu að HK og Víkingur ynnu ekki sína leiki.
# # # # # # # # # # # # #
Amnesty International og kaþólska kirkjan takast á um fóstureyðingar í þriðja heiminum. Frjálslynt fólk á vesturlöndum tekur afstöðu með Amnesty – en Brendan O´Neill gefur Amnesty á baukinn í áhugaverðri grein…Â
# # # # # # # # # # # # #
Ocean Rain með Echo er oná geislanum. Ardbeg í glasinu.