Eins dauði er annars brauð í fótboltanum. Chester City var rekið úr utandeildinni fyrir viku og áfrýjunarfresturinn rann út um helgina án þess að eigendurnir reyndu að koma við vörnum. 125 ára sögu félagsins virðist lokið. Vonandi rís upp nýtt lið í Chester sem bæjarbúar geta fylkt sér á bakvið.
Þessi ákvörðun hefur áhrif á okkur Luton-menn, því einhvern veginn tókst okkur að hirða bara tvö stig úr viðureignunum tveimur við Chester. Endurskoðaða stigataflan setur okkur í fimmta sætið – og það síðasta inn í umspil… en þetta er svo sannarlega þéttur pakki.