Ég reyni að forðast að fylgjast með fréttum af körfubolta. Engu að síður síast alltaf eitthvað inn þegar maður hlustar á fréttirnar.
Á morgun heyrði ég t.d. að í liði Stjörnunnar úr Garðabæ (sem mun vera eina íþróttafélagið sem á lið í efstu deild karla í öllum fjórum boltaíþróttunum – sem ég held að engir aðrir hafi gert en þeir og Framarar) sé leikmaður að nafni Shouse.
Nú mætti e-r körfufróður upplýsa mig. Er þessi Shouse e-ð skyldur þeim Shouse-bræðrum sem léku með Njarðvík og Fram hér á árum áður?