Leikur Chester og Luton í gær var að einu leyti sögulegur. íhorfendur á leiknum voru 1.652. Það er minnsti áhorfendafjöldi á leik með Luton frá árinu 1930.
Reyndar telja stuðningsmenn Luton sem mættu á leikinn eða horfðu á svipmyndir í sjónvarpinu að þessi áhorfendatala sé augljós fölsun og að öllu fleiri hafi verið á vellinum. Félög geta haft hag af því að ljúga niður tölur, þannig spara þau skattinn til ríkisins og borga minna fyrir löggæslu. Til lengri tíma litið jafngildir það þó því að pissa í skóinn sinn, því það er launaþak í deildinni (hlutfall af veltu) og lið lenda því í miklum vandræðum ef þau gefa upp of lágar tekjur. Þetta er því talið til marks um að Chester eigi í gríðarlegum fjárhagsvandræðum.
En þessi lága áhorfendatala rifjar upp metið frá 1930. Þá voru 496 áhorfendur á leik Thames AFC og Luton, sem er met í sögu ensku deildarkeppninnar.
Thames AFC er raunar kostulegt félag. Það var stofnað af peningamönnum með það að meginmarkmiði að skapa tekjur af íþróttaleikvangi í eigu þeirra. Það var 120 þúsund manna völlur – svo það hefur verið rúmt um þessar tæpu 500 hræður…
Þegar búningur Thames AFC er skoðaður skilur maður varla hvers vegna klúbburinn sló ekki í gegn…