Bournemouth er eitt þeirra ensku liða sem standa hvað verst.
Núna segist aðalstjórnandinn vera búinn að handsala samkomulag við ógeðslega ríka araba um að kaupa liðið undir lok mánaðarins. Fram að því skorti hins vegar skotsilfur til að reka klúbbinn.
Sumir stuðningsmennirnir eru himinlifandi og telja úrvalsdeildina skammt undan. Aðrir eru skeptískari – og spyrja sig hvers vegna vellríkir olíufurstar ættu að vilja kaupa svona félag?
Óneitanlega verður manni hugsað til olíufurstans sem átti að vera að kaupa sig inn í Kaupþing…
Ætli þumalputtareglan sé ekki þessi varðandi fregnir af vellríkum aröbum: annað hvort er maður á grænni grein eða í verulega vondum málum… held að það sé enginn millivegur.