–

(Sleppti fyrirsögn, datt bara ekkert sniðugt eða lýsandi í­ hug annað en „Fimmtudagur“ – og það er lí­tið grætt á slí­ku.)

Fékk þær gleðifregnir að læknunum hafi tekist vel upp við aðgerðina á mömmu. Hún fór í­ brjósklosuppskurð og má sig væntanlega ekkert hreyfa næstu vikurnar. Uppskurðir eru aldrei tilhlökkunarefni.

* * *

Bankinn sendi mig öfugan til baka. Það vantaði eina undirskrift á pappí­rana og ég fæ því­ ekki fullar hendur yfirdráttar fyrr en á morgun. Ætli maður þrauki það ekki…

* * *

SHA-fundurinn á Ví­dalí­n í­ gær var hörkugóður. Vel mætt og ekki bara sömu gömlu andlitin. Held að a.m.k. átta til tí­u manns hafi bæst í­ samtökin, sem er mjög gott á einu kvöldi.

Ví­dalí­n er þó fremur leiður staður. Næsti svona fundur verður á Nelly´s.

* * *

Ní­ðþunga getraunin hans Sverris fjallar örugglega um einhverja aukapersónu í­ Ynglingasögu. Nenni ekki að elta ólar við það frekar.

* * *

Það styttist í­ að Devito´s-pizza flytji í­ húsnæðið þar sem Kí­namúrinn var áður til húsa. Allt sem þangað flytur deyr – það sýnir sagan.

Mikill missir verður af gamla pizza-kofanum. Eflaust munu vondir menn vilja rí­fa hann og búa til bí­lastæði. Betra væri að flytja hann upp í­ írbæ. Þess er ekki langt að bí­ða að pizza-menningin verði orðin viðurkenndur hluti af þjóðarsögunni.

* * *

Á morgun koma sagnfræðinemar í­ ví­sindaferð á Minjasafn Orkuveitunnar. Þar fá þeir leiðsögn um safnið og ræðu frá millistjórnandanum um ágæti fyrirtækisins – ásamt samlokum og einhverri bjórlögg. Annars hefur Orkuveitan dregið grí­ðarlega úr svona ví­sindaferðum. Þegar ég byrjaði hjá Rafveitunni flæddi allt í­ brenniví­ni og snitturnar voru ekki skornar við nögl. Held að hingað hafi ekki komið hópur í­ ví­sindaferð í­ meira en ár!