Á dag verður besti bloggarinn eins og þeytispjald út um allan bæ. Það hófst þegar kl. 8:00 þegar ég stóð fyrir utan BYKO til að kaupa hnúða á baðvaskinn. Iðnaðarmennirnir eru í þessum töluðum orðum að klára flottasta baðherbergi norðan Atlasfjalla. Mun ég eftirleiðis verja mörgum klukkustundum á dag í baðinu, enda ekkert útlit fyrir að ég hafi ráð á öðrum munaði í bráð.
Eftir hádegi næ ég í Steinunni á Sankti Jó. Hún er nú búin að fá þrjá steraskammta, sem virkar fyrir fólk með MS eins og spínat á Stjána bláa. Held að okkur verði fátt að vanbúnaði að hlaupa milli piktasteina og um viskýfabrikkur í Skotlandsreisunni miklu.
Á kvöld verð ég væntanlega að skúra gólfið á Mánagötunni, til að búandi verði þarna fyrir ryki og skít. Klukkan níu í fyrramálið koma svo rafvirkjar og skipta út rafmagnstöflu hússins. Er alvarlega að spá í að gefa safninu gömlu töfluna. Postulínsöryggi, tréspjöld og tjöruvír. Alvöru stöff fyir Minjasafnið.
Einhvers staðar inn í þessa dagskrá þarf ég svo að fella snatt vegna leikskrárinnar sem við Valur erum búnir að gera fyrir Fram-Víking á sunnudag. Á gær seldum við gamlar treyjur sem félagið lét okkur fá upp í kostnaðinn við gerð skrárinnar. Erum nú þegar búnir að fá upp í 2/3 hluta kostnaðarins. Ef við seljum 20-30 treyjur í viðbót ættu Framherjar að ná í ágætis sjóð sem gæti lagt grunninn að frekari fjáröflunum.
Það gerist í Reykjavík…