Fyrr í dag sótti ég sérkennilega flúrperu sem safnið var að fá að gjöf. Hún er undin eins og kaðall. Ekki kunni gefandinn skýringu á þessari sérkennilegu lögun eða hvaða tilgangi hann gæti þjónað. Einhverjar uppástungur, lesendur góðir?
# # # # # # # # # # # # #
Vegna pirringsskrifa minna í garð þjónustuversins hjá Tryggingastofnun á dögunum er rétt að taka það fram að ekki eru allir starfsmennirnir jafn óupplýstir. Konan sem við Steinunn ræddum við þegar kom að því að skila inn gögnunum var með allt á hreinu og gat svarað okkur skýrt og greiðlega. Plús í kladdann.
# # # # # # # # # # # # #
Hvað skal éta í kvöldmatinn? Hrísgrjónagrautur með blóðmör og lifrarpylsu kemur sterklega til greina…