Höfðingjarnir og indíánarnir
Einhvers staðar las ég að mikilvægir menn ættu að mæta aðeins of seint á fundi – þannig áréttuðu þeir stöðu sína innan hópsins með því að láta hina bíða hnípna og horfa í gaupnir sér. Þessi taktík var kölluð „höfðingjarnir og indíánarnir“, þar sem þeir stundvísu eru indíánarnir en hinir eru höfðingjarnir. Getur verið að Klbeinn Proppé hafi lesið sömu grein? Á það minnsta er það orðið „treit-mark“ hjá honum að mæta í sjónvarpsþætti þegar þeir eru byrjaðir. – Raunar var hann langbestur í þættinum í gær, en ég efast um að ég þyldi fleiri kosningaþætti úr Suðurkjördæminu með langhundum Einars Birnis frá Nýju afli.
* * *
Og talandi um Nýtt afl – þeir halda víst úti heimasíðunni www.nu.is. Ég þekki fólk sem hefur séð hana og hef raunar sjálfur skoðað hana úr tölvu úti í bæ. En einhverra hluta vegna neitar tölvan mín í vinnunni að opna hana. Skipitr þar engu máli þótt ég sé með ljósleiðara frá Línu.neti og þótt ég komist vandræðalítið inn á aðrar síður – TÖLVAN HLEYPIR MÉR EKKI INN Á HEIMASííU NíS AFLS ! ! !
Á þessu eru tvær skýringar:
i) Pólitískar ofsóknir, þar sem Alfreð Þorsteinsson stjórnarformaður hefur hringt á tölvudeildina og skipað þeim að læsa öllum aðgangi starfsmanna Orkuveitunnar að síðu Guðmundar G. og félaga (kannski einhverjar gamlar Framsóknarflokksværingar).
ii) Klám- og dónaefnissíur Orkuveitunnar ákveði að blokkera úti Nýtt afl. Nú hafði ég heyrt talað um „fáklædda frambjóðandann“ hjá Nýju afli – en er svona ritskoðun ekki einum of?
* * *
Á ég að skella mér á pönktónleika í Kebblavík á föstudagskvöldið? Það er efinn…