Vigdís mágkona leit í heimsókn í gær. Röltum svo öll þrjú upp á Leifsgötu, þar sem þau feðginin eru að taka í gegn íbúð. Vigdís verður sem sagt nágranni okkar innan tíðar og þá væntanlega tíður gestur á Mánagötunni.
Alveg er skipulagið á þessum gömlu íbúðum lygilegt. Baðherbergin – eða öllu heldur skáparnir með klósettinu, sturtunni og vatnshananum – eru örsmá, sömuleiðis eru eldhúsin þröng en alltaf skulu stofurnar vera rúmgóðar.
Þetta verður hins vegar sallafín íbúð þegar framkvæmdum lýkur.
* * *
Eftir heimsóknina datt ég niður í sjónvarpsgláp – Michael Collins á Skjá einum. Það er eitthvað við þessa mynd sem farið hefur í taugarnar á mér – fyrir utan að vera ef ekki kolröng, þá í það minnsta afar hæpin í veigamiklum sögulegum atriðum. Sennilega er það einkum þessi sífellda réttlæting á ofbeldi og hryðjuverkum – eins og að sjálfstæðisbarátta íra hafi einungis snúist um aftökur á lögreglumönnum og uppljóstrurum.
Þegar Björn Ingi Hrafnsson, núverandi Framsóknarmaður, var kynningarstjóri hjá Sambíóunum gaf hann mér einhverju sinni Michael Collins-bol. Þeirri flík hef ég ekki klæðst oft.
* * *
Á kvöld er matarboð hjá Óla og hans belgísku ektakvinnu (hverrar nafn verður ekki reynt að stafsetja hér). Síðast þegar við hittumst öll, voru FRAMararnir nýbúnir að bjarga sér frá falli og ég gat um fátt annað talað en fótbolta fram eftir kvöldi. (Veit ekki hversu mikinn áhuga meginlandsbúar hafa á framvindu mála í Landsbankadeildinni.) Vona að ég geti haft hugann af leikjum kvöldsins rétt meðan á matnum stendur. KA, Keflavík og Víkingur eru öll að spila. Tvö fyrrnefndu liðin funheit eftir bikarsigra. ífram Fylkir og Skaginn!
* * *
Sjoppukeppnin heldur áfram. Fjallakaffi sigraði Drangsnessjoppuna 8:3. Seinni tvær viðureignirnar í dreifaraflokknum teljast því hafnar. Þær eru:
Varmahlíð gegn Staðarskála
&
Víkurskáli gegn Borgarnesi
ífram heldur keppnin í þéttbýlisflokknum. Þar er staðan:
Hamraborg, ísafirði 4 : Draumurinn 7
&
Skaraskúr 5 : Hallinn 9
Jamm.