Eitur

Kláraði áðan bókina um Svein framtí­ðarskáld, sem AB gaf út fyrir margt löngu og ég nældi mér í­ á VG-bókamarkaði í­ vor. Þetta er skemmtilega sérviskuleg bók, nánast eins og minningarþáttur skrifaður fyrir gamla vinahópinn eftir einn af félögunum. Óþægilega nákvæm á köflum.

Ég vissi ekkert um Svein framtí­ðarskáld – nema maður hafði jú lesið ljóðið Eitur. Það er flott kvæði. Önnur verk sýndust mér lakari.

Ég er sökker fyrir öllu því­ sem tengist lí­finu í­ Reykjaví­k 1910-1920. Það er uppáhaldstí­mabilið mitt í­ sögunni. Á góðum degi er ég til í­ að stækka árabilið örlí­tið, etv. frá 1905-1925.

Nú veit ég sáralí­tið um bókmenntir og ljóðlist, en það er eitthvað heillandi við þennan áráttukennda áhuga ungra manna á öðrum áratugnum á ljóðum og ljóðlist. Á sama tí­ma er auðvelt að láta heimshryggðarvolið í­ fullfrí­skum karlmönnum – sem helst létu sig dreyma um dýrðlegan dauða á einhverju berklahælinu – fara í­ taugarnar á sér.

# # # # # # # # # # # # #

Á dag var loksins gengið í­ að mála litla skotið á ganginum sem til varð við framkvæmdirnar fyrir tveimur árum. Þar ætla ég að láta sérsmí­ða fyrir okkur bókahillur. Allt hillupláss er löngu sprungið.

# # # # # # # # # # # # #

Eftir rúma viku fær barnið rör í­ eyrun. Háls-, nef- og eyrnalæknirinn róaði okkur með því­ að þetta sé í­ raun smáaðgerð og að engin ástæða sé til að grí­pa til neinna séraðgerða eins og að láta stelpuna vera með sundhettu þegar farið er í­ laugina. Þetta er samt frekar stressandi.

# # # # # # # # # # # # # #

Um helgina var aðalfundur ÖBí. Steinunn var ekki lengur kjörgeng til framkvæmdastjórnar og var því­ ekki endurkjörin. Þótt hún muni halda áfram að vinna að ýmsum verkefnum fyrir bandalagið þýðir þetta samdrátt í­ félagsstörfum. Ætli það muni ekki vinnast upp með aukinni VG-vinnu á næstu mánuðum.

Join the Conversation

No comments

  1. Það róaði mig á sí­num tí­ma að sjá hvernig röraaðgerðin fer fram… Virðist einfaldara en að skipta um dekk. Mí­num börnum leið betur eftir en áður.

  2. já með rörin mæli með að gefa henni vel af paracetamóli þó það sé sagt að þess þurfi ekki, Lilja Fanney var að drepast í­ eyrunum eftir þetta og hömlur og þol við sársauka eru ekki til staðar þegar barn er að vakna eftir svæfingu og svo er álgjör óþarfi á láta þau finna meira til en nauðsyn er. En þetta er alveg þess virði. Lilja er mun sprækari til heilsunar en fyrir rör

Leave a comment

Netfang þitt verður ekki birt. Nauðsynlegir reitir eru merktir *