Vandi spurningahöfundarins

Um helgina blésum við Kolbeinn Proppé til Keine Frage-keppni. Á stórmennskubrjálæði okkar sömdum við rétt rúmlega 150 spurningar. Þetta reyndis lí­ka vera móðir allra spurningakeppna – fjögurra klukkustunda maraþon…

Þetta voru fí­nar spurningar, margar hverjar. Engu að sí­ður hefði ég hikað við að láta ýmsar af þeim bestu flakka í­ keppni sem tekin er jafn alvarlega af keppendum og t.d. framhaldsskólakeppnin. ístæðan er sú að skemmtilegustu spurningarnar þola sjaldnast grandskoðun.

Hugmyndin um spurningakeppni þar sem engar villur eða ónákvæmni er að finna, hljómar vel – en er óframkvæmanleg eða í­ það minnsta leiðinleg. Hundrað prósent skotheldar spurningar er t.d. spurningar á borð við: hvaða ár gerðist þetta? Númer hvað er þetta frumefni? Eða – hver er höfuðborgin í­ þessu landi? (Reyndar eru meira að segja þessar spurningar furðuoft ónákvæmar – þar sem alltaf skal koma í­ ljós að deilt sé um ártölin og viðkomandi landi taki sérstaklega fram í­ stjórnarskrá sinni að þar sé engin höfuðborg…)

Skemmtilegar spurningar innihalda oftar en ekki skemmtilegan fróðleik eða skringilegar viðbótarupplýsingar. En það sem er skemmtilegt eða skringilegt – er það yfirleitt vegna þess að einhver góður sagnamaður hefur dregið hlutina sterkum litum.

Upprunasagnir eru t.d. nánast alltaf umdeilanlegar. Það þýðir að með góðum (eða illum) vilja er hægt að vefengja nánast allar spurningar sem fela í­ sér ví­sbendingar á borð við að þetta eða hitt hafi verið fyrirmyndin að e-u. Önnur þumalputtaregla er sú að sama hversu sammála uppflettiritin kunna að vera – alltaf skal vera hægt að rí­fast um spurningar sem innihalda staðhæfingar um að einhver hafi gert e-ð fyrstur…

Auðvitað er það ergilegt þegar villur slæðast inn í­ spurningakeppni – en ef ég ætti að velja á milli sterilí­seruðu 100% pottþéttu spurninganna eða hinna sem eru hæfilega nákvæmar og skemmtilegar í­ bland, þá væri ég ekki í­ miklum vandræðum að ákveða mig.

Join the Conversation

No comments

  1. Hvað segirðu um að halda spurningakeppnina Besserwisser, þar sem eru amk tvö svör við hverri spurningu og svarendur fá tvöfalt fleiri stig fyrir svarið sem niðurstaða nýjustu sagnfræðirannsókna en fyrir svarið sem er almenn vitneskja …

  2. Þetta var alger eðalkeppni hjá ykkur. Frekar villur og fjör en klí­nisk leiðindi. Takk fyrir mig!

  3. Á sjónvarpi mega spurningakeppnir helst ekki vera lengri en meðaldramaþáttur (ca. 50 mí­n).

    Keppni helgarinnar var hins vegar ekki einu sinni á við meðalkvikmynd að lengd heldur lengri en meðal Bollywoodmynd. Gott ef hún slagaði ekki upp í­ epí­ska mynd í­ leikstjórn Kevins Costners.

    Þannig eiga keppnir auðvitað að vera.

Leave a comment

Netfang þitt verður ekki birt. Nauðsynlegir reitir eru merktir *