Klóak

Jón ömmubróðir minn er búinn að taka saman skemmtilegt kver með ýmsum upplýsingum um forfeður okkar og -mæður. Þar kemur t.d. fram að Þóra Jónsdóttir (langömmusystir mí­n og fyrsta menntaða hjúkrunarkona landsins) var mikill töffari – og lét koma fyrir fyrstu skólplögninni á ísafirði.

Langafi – sem ég man eftir sem smákrakki – var í­ gróðabralli með Einari Ben og lenti með honum á heljarinnar fyllerí­i á skipi á leið til Íslands, sem hélt áfram eftir að allir innanborðs voru settir í­ sóttkví­ við heimkomuna (að sögn til að hindra að Sigurður Eggertz gæti tekið þátt í­ bæjarstjórnarkosningum). Meðan á þessu stóð var gefið út blað (langafi var ábyrgðarmaður) og ágóðinn notaður í­ að kaupa meira brenniví­n. Og það sem meira er – smkv. Gegni eru eitt eða tvö eintök til!!!  Nú liggur leiðin á Þjóðdeildina.

# # # # # # # # # # # # #

Matthew Spring skoraði beint úr aukaspyrnu í­ uppbótartí­ma á útivelli gegn Port Vale í­ uppgjöri botnliðanna í­ dag og tryggði okkur 1:2 sigur. Erum fjórðu neðstir og tveimur stigum frá því­ að losna úr fallsæti.

Næsti leikur er úti gegn Yeovil. Eftir hann verða lí­klega flestir bestu menn liðsins seldir fyrir slikk til að létta á launakostnaðinum. Við verðum með vængbrotið lið gegn Liverpool næsta laugardag.

# # # # # # # # # # # # #

Alla vikuna hef ég heyrt auglýsingar um flugeldasýningu Rásar 2 og björgunarsveitanna.

Getur einhver útskýrt fyrir mér lógí­kina í­ að útvarpsstöð standi að flugeldasýningu? Er hægt að hugsa sér lélegra útvarpsefni?

Join the Conversation

No comments

  1. Þetta með flugeldasýninguna slær lí­klega út gamla hugmynd sem ég var einu sinni að vasast með og gekk út á að fjalla um – og skoða – í­ útvarpsþætti ljósmyndasafn sem ég var að vinna með. Hefði ábyggilega verið gaman fyrir mig og þáttagerðarmanninn en tæplega glatt nokkurn annan.

Leave a comment

Netfang þitt verður ekki birt. Nauðsynlegir reitir eru merktir *