Gott úrval í ÁTVR

Það gerist nú ekki oft að maður stendur sig að því­ að hrósa viský-rekkanum í­ íTVR – en nú er tilefni til þess. Úrvalið af góðu viskýi hefur ekki verið betra í­ háa herrans tí­ð. En þar sem slí­kt ástand varir aldrei lengi í­ senn hvet ég fólk til að nota tækifærið og hamstra!

Þrjú Islay-viský er vel ásættanlegt. Þarna er Ardbeg – sem er vitaskuld toppurinn og skyldueign – en auk þess bæði Bunnahabhain og Bruchlaiddich. Ég hef fengið pata af því­ að með nýja árinu verði önnur týpa af sí­ðarnefndu tegundinni sett í­ hillurnar, sem er sögð 7 ára (blanda úr fleiri en einum árgangi). Það er sælgæti.

Auðvitað ættu Lagavullin, Laphroaig og jafnvel Bowmore lí­ka að vera til – en miðað við það sem maður er farinn að venjast, þá er þetta furðugott.

Tvær tegundir af Highland Park eru á boðstólum, 12 og 18 ára. Macallan og Tallisker eru lí­ka til. Góður viskýskápur getur eiginlega ekki verið án þessara þriggja tegunda.

Ledaig er komið aftur í­ hillurnar. Það er fí­nt, en ekkert dúndur á borð við sumt af því­ sem talið hefur verið upp. – Fyrir blönduliðið er Black Bottle fí­nn fjölmöltungur. Gott ef hitt Orkneyjaviskýið, Scapa, er ekki til lí­ka. Það er ágætt.

Hvað vantar? Jú, það væri fí­nt að hafa Springbank og Júru svo eitthvað sé nefnt…

En fariði nú út í­ búð börnin mí­n og kaupið ykkur nokkrar viskýflöskur til að góðu, góðu birgjarnir sjái að það sé rí­fandi bissness í­ að sjá okkur fyrir veigum.

Join the Conversation

No comments

  1. Þetta úrval er óneitanlega með allra besta móti. Ætli ég neyðist ekki til að gera mér ferð í­ Kringluna fljótlega og hamstra.

    Er það misminni hjá mér að Laphroig hafi verið í­ sölu fram á þetta ár? Er nýbúinn með sí­ðustu flösku og sárvantar aðra.

    Félagsskapurinn í­ kvöld er 18 ára Talisker, hann er mikið góðgæti.

  2. Ég er í­ þeirri öfundverðri stöðu að vera nokkuð blautur á bak við eyrun í­ viskí­málum og er þessi færsla því­ mikill fengur fyrir mig.

    Ég sé að það er ekkert annað að gera í­ stöðunni en að sleppa jólunum þetta árið og eyða öllum gjafasjóðnum í­ mí­n eigin skynfæri.

    Takk fyrir mig!

  3. Hvaða aðdróttanir eru þetta hjá Gunnlaugi að gefa það í­ skyn að Hálsaskógur sé ekki í­ mannabyggð.
    Hér er nefnilega allt við hendina, heimilið, Heiðrún og vinnan 🙂

  4. Já þetta er greinilega að skána eitthvað, rýrt hefur það oft verið úrvalið. En vil benda á eitt mest spennandi viskí­ sem ég hef smakkað, nefnilega Edradour (www.edradour.com) sem hvu vera minnsta single malt framleiðsla Skotlands. Það er ljúfur drykkur og óhemju mjúkur. Gæti þó reynst erfitt að fá yfir hafið vegna smæðarinnar.

    takk fyrir ágætt blogg Stefán

Leave a comment

Netfang þitt verður ekki birt. Nauðsynlegir reitir eru merktir *